ക്ഷേത്രങ്ങളുടെ ആചാരങ്ങളിലും നിത്യനിദാനങ്ങളിലും സർക്കാരിന്റെ കടന്നുകയറ്റം പൊറുക്കാൻ കഴിയുന്നതല്ലെന്നും തന്ത്രിയുടെ തീരുമാനങ്ങൾക്ക് സംസ്ഥാന യുവജനസഭയുടെ പൂർണ്ണ പിന്തുണ നൽകുന്നതായി ഞാൻ അറിയിച്ചു. പിറവം പള്ളി വിഷയവും, നഴ്‌സുമാരുടെ ശമ്പള വിഷയത്തിലും കോടതിവിധിക്ക് പുല്ലുവില കൽപ്പിക്കാത്ത മുഖ്യമന്ത്രിക്ക് തന്ത്രി കോടതി വിധി നടപ്പിലാക്കാൻ കൂടെ നിൽക്കണം എന്ന് പറയാൻ അർഹതയില്ല എന്നും മുഖ്യമന്ത്രി സ്ഥാനം രാജി വെക്കുന്നതാണ് ഉചിതമെന്നും ജില്ലാ യുവജനസഭ ജോ. സെക്രട്ടറി ശ്രീ വിഷ്ണു നാരായണൻ പറഞ്ഞു.

ശബരിമല ആചാരാനുഷ്ഠാനങ്ങൾ നിലനിർത്താൻ ഹിന്ദു സമൂഹം ഒന്നായി നിൽക്കണം എന്ന് സംസ്ഥാന യുവജനസഭ വൈസ് പ്രസിഡന്റ് ശ്രീ ശന്തനു അഭിപ്രായപ്പെട്ടു. ശേഷം ജില്ലാ യുവജനസഭ സെക്രട്ടറി ശ്രീ ഉമേഷ് കൃഷ്ണ ചിരാതുകൾ തെളിയിച്ച് അംഗങ്ങളിലേക്ക് പകർന്നു. ശ്രീപത്മനാഭന്റെ മുന്നിൽ ധർമ്മ സംരക്ഷണത്തിനായി എള്ള് തിരികൾ കത്തിച്ച് ഉറക്കെ ശരണം വിളിച്ച് യോഗക്ഷേമസഭ യുവജനസഭ ശബരിമല… വിഷയത്തിൽ പ്രതിഷേധം കടിപ്പിക്കുകയാണ് എന്ന സൂചനയാണ് നൽകിയത്.

തലസ്ഥാന നഗരിയിൽ സഭയുടെ പ്രതിഷേധം ശക്തമായി അറിയിക്കാൻ മുൻകൈ എടുത്ത തിരുവനന്തപുരം ജില്ലാ യുവജനസഭയ്ക്കും അതിന് നേതൃത്വം നൽകിയ ജില്ലാ യുവജനസഭ സെക്രട്ടറി ശ്രീ ഉമേഷ്, ജില്ലാ യുവജനസഭ ജോ. സെക്രട്ടറി വിഷ്ണു നാരായണൻ, ജില്ലാ യുവജനസഭ ട്രഷറർ ശ്യാമിനി എന്നിവർക്കും വേണ്ട നിർദ്ദേശങ്ങൾ നൽകിയ ജില്ലാ യുവജനസഭ പ്രസിഡന്റ് ശ്രീ ശ്രീജിത്ത്, തിരുവനന്തപുരം ജില്ലയിൽ നിന്നുള്ള സംസ്ഥാന യുവജനസഭ നിർവ്വാഹകസമിതി അംഗം ശ്രീ സുബ്രഹ്മണ്യൻ നമ്പൂതിരി, യുവജനസഭ അംഗങ്ങളായ അശ്വിൻ, വിഷ്ണു നമ്പൂതിരി എന്നിവർക്കും അഭിനന്ദനങ്ങൾ.